كيف تسرق سيارة فى عشر دقائق؟

الزمان: يوم الخميس الساعه العاشرة صباحا
المكان : جراج خاص تحت منزلى به سيارتان الأولى سيارة رئيس محكمه (لانسر new shape ) وخلفها تماما سيارتى الأسبيرانزا وللجراج مدخل واحد فقط
الأحداث:
عندى كام مشوار على الصبح وعايز أنجز كل المشاوير بسرعه , وأنا نازل بسأل موظف الأمن على مفتاح سيادة المستشار؟
يرد ويقولى الراجل نسى المفتاح فى الشنطه وبيحاول يفتحها دلوقتى.
يا الله على العطله............. ماشى
محاولات عديدة بدون طائل لفك الأكرة وفتح هوايه زجاج الباب الخلفى

ومفيش نتيجه!!!!!!! المهم أقترحت عليه نتصل بحد من بتوع المفاتيح يمكن يعرفوا يتصرفوا قالى أنه أتصل بالتوكيل وردوا أن المشكله دى يا إما تبعت العربيه على التوكيل (ما تسألنيش إزاى خصوصا أن العربيه أوتوماتيك)أو تجيب سمكرى يفك الأكرة

بعد أكتر من نص ساعه أخرى أقنع بأننا نروح لبتاع المفاتيح يمكن يدلنا .
المهم رحنا زهران ماركت فى سموحه وأول ما كلمنا الراجل قلنا بكل ثقه مفيش مشكله بس المهم تمضى على الأقرار دة , بيحتوى على بيانات العربيه أو الشقه وصاحبها والمكان و رقم الرخصه والبطاقه وأنه مفيش أى مسئوليه تقع عليه فى حاله تلف أى شئ.

الأدوات المستخدمه عدد 2 مفك عادة -شاكوش صغير -فوطه صفرا- سلك صلب طويل


الطريقه حط أول مفك ما بين الباب والسقف وبدأ يميل المفك عليه مع وضع الفوطه طبعا لعدم تجريح الباب ثم تانى مفك بنفس الطريقه وبعدين حط الشاكوش من الناحيه المدببه بين المفكين وبكدة نجح أنه يعدى السلك وبدأ فى محاولات لسحب المسوجر من مكانه .

أقسم بالله أن الموضوع لم يتعدى 10 دقايق وأنه لم يحدث أى خدش مكان الفتح.

طبعا حتسألوا عن المفتاح الأحتياطى ؟ - العربيه بالتقسيط والمفتاح مع المعرض والساعه عشرة الصبح والبهوات لسه مافتحوش


بصراحه أنا ذهلت لما شفت أن السرقه سهله كدة ومن ساعتها وأنا بفكر فى أنسب طريقه لتأمين العربيه ومش عارف.

:dzey: بس ازاى قدر يوصل للمسوجر بالسلك و اللانسر الجديده المسوجر بتاعها عند اكرة الباب من جواااا......... صعبه اوى و لا هو متعود على السرقه. ربنا يسترها معانا

المكان : جراج خاص تحت منزلى


دا انسب مكان ياباشا

بجد حكايه غريبه حرص بقي انا اسمع ان حراميه اسكندريه شاطرين وربنا يسترها

والله يا جماعه دة إللى حصل قدام عنيا بدون أى إضافه
طرف السلك كان متنى زى الخطاف كدة والطريقه دى نجح أنه يوصل بسهوله

اقتباس:

---

المشاركة الأصلية كتبت بواسطة mo3tazelgamal

والله يا جماعه دة إللى حصل قدام عنيا بدون أى إضافه
طرف السلك كان متنى زى الخطاف كدة والطريقه دى نجح أنه يوصل بسهوله

---

الكلام ده حصل معايا بالضبط ......
فى الرحاب .... عربية لانوس .... قفلت على المفتاح .... فى أقل من عشر دقايق كانت مفتوحة بنفس الطريقة .....بس من غير اقرار ولا غيره ....:shyy::k26:

طمنتنا الله يطمنك كدة الواحد يركن عربيتة في اي مكان وينام وهو مستريح بدون ارق
ولا اي حاجة خالص عربية زيرو 2008 اية يعني لما حد يشيعها ولا حاجة خالص
ask

لو حصل فى الميجان مش هيرعرف يفتحها ولا بالطبل البلدى الا بكسر الزجاج

لما حكيت الموضوع دة لواحد صاحبى قاللى أنه حصل معاة كدة فى أوكتافيا a5 وأن الأخ بتاع زهران (إللى أنل رحتله) معرفش يفتحها بنفس الطريقه إللى فاتت بسبب (هو إللى قاللى عليه-الله أعلم مدى صحه كلامه إيه) أن المسوجر بتاع الأوكتافيها عبارة عن جزئيين داخلى وخارجى فمهما تحاول تفتح حيرد تانى فى نفس اللحظه!!!!!!!!!
بس برضه أتفتحت عند واحد تانى بتاع مفاتيح مشهور فى إسكندريه

على فكره ال a5 مفيهاش مسوجر فى الباب اساسا كل الموضوع زرار ورا الفتيس تضغط عليه يقفل و تضغط تانى يفتح

ياقوم معظم العربيات اللى بتتكلموا عليها فيها Immobilizer يعنى حتى لو الحرامى فتحها مش حيعرف حتى يشغل الكاست, هو بس حيعد جوا شوية وياخد واجبه ويشفلو عربية تانية, مش معنى انه فتح الباب انها اتسرقت, عشان كدا انا شايف اللى بيشترى عربيى جديدة فبلدنا ديه من غيرimmobilizer يبأى يستاهيل اللى يحصلو.

اقتباس:

---

لو حصل فى الميجان مش هيرعرف يفتحها ولا بالطبل البلدى الا بكسر الزجاج

---

اشمعن الميجاااااااااان

اقتباس:

---

المشاركة الأصلية كتبت بواسطة venus-doom

على فكره ال a5 مفيهاش مسوجر فى الباب اساسا كل الموضوع زرار ورا الفتيس تضغط عليه يقفل و تضغط تانى يفتح

---

بصراحه أنا ماركبتش أوكتافيا بس واحد صاحبى هو إللى قاللى علشان كدة رأى حضرتك هو الأصدق لعدم سابق معرفتى بها

مافيش عربية في الدنيا تضمن انها ماتتسرقش

لو فيها IMMOBILIZER انسا انها تتسرق,مش ممكن غير لو عندك tools معينة ومش موجدة عندنا والحمد لله لأن الموضوع محتاج انك تفك الengine ECU و ال body controller ECU و موضووع معقد جدا لأقصى درجة, أنا اشتغلت فنظام الIMMOBILIZER بتاع البيجو والفيات وأأكدلك مش ممكن تتسرق.
* Immobilizers are integrated into the vehicle’s circuitry and engine-management system. They automatically interrupt the power to multiple electronic circuits, usually the starter motor, ignition and fuel pump circuits, when the specially coded key is removed from the ignition switch, or the vehicle is shut off.
* Only if the correctly coded key (or other coded element) is used and recognized by the system will the circuits be enabled, allowing the car to start. Immobilizer keys typically have a transponder or resistor embedded in the head to communicate the code to the engine-management system.
* If the correct code is not recognized, or someone attempts to start the vehicle by some other means – such as hotwiring or breaking the ignition lock cylinder – the system will remain armed and prevent the car from starting.
* An engine immobilizer should always be at the core of any car theft deterrent system. It is the most effective means of preventing drive-away theft.

الى الاستاذ / hossameid
السلام عليكم ورحمة الله وبركاته

الله يخليك عرفنا ايه موضوع الـ Immobilizers ده


ومعذرة انا اول مرة اسمع عن الشئ ده


وهل ممكن يركب فى الاوبل

ومتاسف لقلة معرفتى به

يعني اية صحيحimmobilizer

في نظام اسمو immobilizer النظام دة مبيخليش العربية تدور لو المفتاح مش بتاعها او اي حركة تاني انا شايف انو نظام جميل
وااامن

اقتباس:

---

المشاركة الأصلية كتبت بواسطة Osama_soliman

الى الاستاذ / hossameid
السلام عليكم ورحمة الله وبركاته

الله يخليك عرفنا ايه موضوع الـ Immobilizers ده


ومعذرة انا اول مرة اسمع عن الشئ ده


وهل ممكن يركب فى الاوبل

ومتاسف لقلة معرفتى به

---

قمت بعمل موضوع بسيط عنه, ارجو يفيدك
http://www.nilemotors.net/Nile/showt...103#post546103

ممكن الحرامى يفتح الباب وياخد اللى هو عاوزه بقى خصوصا لو كاسيت غالى ولا حاجه
انا شوفت واحد فتح عربيه هيونداى اكسيل فى دقيقتين قدامى كانت واحده نسيت المفتاح جوه
عارفين فتحه ازاى
جاب حته حديده اللى بتيجى مع السنتر عامله زى الهلب كده ودخلها مابين الكاوتش والزجاج فى الباب الامامى وقعد يطلعها وينزلها لحد ماشبكت فى الكالون من جوه وفتح الباب

اقتباس:

---

المشاركة الأصلية كتبت بواسطة eng/muhamad

اشمعن الميجاااااااااان

---

لأن مافيهاش مسوجر نهائى ( مافيهاش سيكورتايه ) , بس ممكن تفتح الباب من الداخل بالمقبض عادى , ولذا قلت لن يفتحه الا بكسر الزجاج عشان يصل للمقبض ,

فكرتوني بواحد صاحبي عربيته اتسرقت 3 مرات:
أول مرة: كاسيت بايونير و سماعات اللي بتركب في الشماسة
ثاني مرة: CD-ROM و إكوالايزر
ثالث مرة: CD pioneer

صاحبي يقول لي: طيب هو ليه مش بيسرق العربية على بعضها و يريحني
قلت له: عربيتك عاملة زي الفرخة اللي كل يوم تبيض بيضة دهب. لو سرقها يبقى دبح الفرخة

اقتباس:

---

المشاركة الأصلية كتبت بواسطة ouba2

مافيش عربية في الدنيا تضمن انها ماتتسرقش

---

بالضبط .. مهما كانت العربية خاصة في مصر .. إحنا شعب مبتكر لأقصي درجة .

علي فكره الطريقه دي هي الطريقه المتبعه هنا بالكويت
من سنين وكل الناس عارفاها ، مك وسلك ناشف
عاده بيكون شماعه قميص "الشماعات هنا من السلك
المجلفن الناشف"

يا جماعة اي باب عربية ممكن يتفتح بمنتهي السهولة ومش محتاجة سلك لفتح المسوجر ولا حاجة ممكن اي حرامي يفتح طبلة الباب بطفاشة او حتي بدبوس عريض .....
علشان كده لازم العربية يكون فيها انذار يا اما ما يكونش فيها حاجة تشد انتباه الحرامي يا اما كده العربية حتتقلب من جواها و ممكن كمان الحرامي يعرف يدور المحرك و بكده حيسرق العربية كلها علي بعضها

يا دة تعبان قوى
خد عشر دقايق بحالهم
بس يمكن الانسر الكالون بتاعها صعب
انا مرتين فتحت العربية بصفيحة منشار بدل السلك
و العملية بتاخد من الراجل 3 ثوانى بس
تيك تاك على طول

هو دة الحل فى مصر لمنع سرقة السيارة :F_eyeb1[1]:

http://www.lilligren.com/Redneck/ima...k_car_lock.jpg

اقتباس:

---

المشاركة الأصلية كتبت بواسطة mooody2007

هو دة الحل فى مصر لمنع سرقة السيارة :F_eyeb1[1]:

http://www.lilligren.com/Redneck/ima...k_car_lock.jpg

---

ياراجل انت بتشتم الحرامى فى حرامى مش معاة طفاشة دى اهم من تحقيق الشخصية

ربنا يستر على عبيده

[align=center]مره كنت عند الكهربائي وبيدور علي المفتاح بتاع عربيه لقوه جوه مش عارف لعب فيه ايه في علبه الكتاوت وفتح السنتر بتاع العربيه [/align]

اقتباس:

---

المشاركة الأصلية كتبت بواسطة abo_hosni

صاحبي يقول لي: طيب هو ليه مش بيسرق العربية على بعضها و يريحني
قلت له: عربيتك عاملة زي الفرخة اللي كل يوم تبيض بيضة دهب. لو سرقها يبقى دبح الفرخة

---

جامدة
اهم حاجة يا جماعة ربنا يسترها معانا ونتوكل علي الله وناخد حزرنا

انا مش بسيب في العربية حاجة مغرية ولو تطلب الأمر الضرورة اني هسيب حاجة بخبيها ( في شنطة العربية مثلا او تحت الكرسي ) ومش في المكان اللي هركن فيه لأ من ساعة ماجي اركب بشيلها في مكان مش باين
وبشيل وش الكاسيت وأخيرا جبت دراع السرقة اللي بيربط الفرامل مع الدريكسيون
هو ممكن يتطفش اكيد برضة بس الحرامي لسة هيطفش عربية مافيهاش حاجة ولا حتى جاكيت في الصالون والكاسيت وشه متشال وفي دراع مربوط في العربية اكيد هيكبر دماغه من العربية وربنا هو اللي بيستر في الآخر ومش ببقى متطمن غير لما بقول في رعاية الله وانا راكنها وطالع

LOL
This happened with me exactly (Elantra) the man open the door in less than 4 mins . it was in the agency

اقتباس:

---

المشاركة الأصلية كتبت بواسطة mo3tazelgamal

بصراحه أنا ماركبتش أوكتافيا بس واحد صاحبى هو إللى قاللى علشان كدة رأى حضرتك هو الأصدق لعدم سابق معرفتى بها

---

ربنا يخليك يا باشا بس على فكره الاسترا مثلا حتى لو كسرت الازاز و فتحت المسوجر او فتحته باى طريقه الباب مش بيفتح برده!!!المسوجر منظر .
انا مره كنت فى اسكندريه و بايت هناك نزلت الصبح لقيت واحد ابن حلال كسر الازاز الى ورا و معرفش يسرق حاجه لان مفيهاش حاجه تتسرق و كمان معرفش يفتح الباب وكان فى اوكتافيا راكنه ادامى كسر الازاز و دخل جوا العربيه فك الكاسيت و شرح التابلوه بالمطواه و الدركسيون و كل حاجه(واضح ان عربيتى مش اد المقام فقال يدخل على الاوكتافيا!!!!!:049:

أجمل حاجة شوفتها فى الموضوع دة الفيكترا السنتر بتاعها فية درجتين للقفل

يعنى قفلت اول مرة عادى زيها زى اى عربية

قفلت تانى مرة بالريموت اللى فى المفتاح تسمع صوت السنتر بيقفل كمان مرة

وفى الحالة دى حتى لو انت قاعد جوا العربية مش هتعرف تفتحها اساسا

ودى حصلت مع واحد قريبى حرامى بجح كسر الأزاز ومعرفش يفتح الباب ولا يدخل العربية من أصلو .. وطبعا لطش الحاجات اللى كانت ايدية طايلاها وخلاص


بصراحة الموضوع دة تحفففففة لكن مش عارف هل هوا موجود فى أى عربيات تانية ولا اية ؟؟